影劇達人網 - Powered by Discuz! Board

標題: 不尋常的電梯 [打印本頁]

作者: friend1886 時間: 2009-11-12 19:15 標題: 不尋常的電梯

時間：99年12月31日地點：卡拉OK 人物：小泉

每逢節日，我例牌同班朋友到卡拉OK慶祝。99年12月31日系世紀末的大日子，我地去了卡拉OK，還一齊倒數。

玩到淩晨三點鐘，大家都帶住半分醉意咁離開返屋企。小泉到另一邊巴士站搭通宵巴士，走到後門搭的車比較近。我就跟大隊由前門走去搭的士。

我返到屋企已經成四點鐘，突然接到小泉的電話。佢話頭先一入後門架電梯，見到三個男人在裡面，佢冇理人地，見個Ｇ字未按，佢就按掣兼關埋門。

當架電梯落到地下，佢先行出來，但那三個男人冇跟住行出來，佢個心只覺奇怪。佢行行嚇發覺漏左野在卡拉OK裡，於是返轉頭搭返電梯上去拿。又見到那三個男人仍然在電梯裡。小泉開始驚，但漏左野又唔可以唔拿，唯有頂硬上入去。

小泉拿完後，又去後門搭電梯。當電梯門一打開，慘！又系那三個男人。佢地根本未離開過電梯！小泉嚇到面都青埋，多口咁問嚇佢地一句：「你地究竟去邊度?」佢地竟然畀個令人窒息的答案：「我地落地府。」

落到地下，門一打開，小泉跑出去，但感覺到電梯門仍未關埋。佢一時八卦，轉個頭睇睇，見到三個男人已沉入下半身，真系落緊地府，仲對住佢奸笑。佢已經被嚇到腳軟，即刻跳上的士，有咁快走咁快。

我叫佢唔好理咁多，合埋眼快跑，當乜事都冇發生過，以後都唔去那間卡拉OK。

歡迎光臨影劇達人網 (http://kzd-ichibun.com/discuz/)